كول علي طول


اسلامي اجتماعي ثقافي سياسي رياضي افلام مسلسلات اغاني برامج
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 سهوكة بنات

اذهب الى الأسفل 
كاتب الموضوعرسالة
Admin
Admin


عدد المساهمات : 289
تقييم الاعضاء : 3
تاريخ التسجيل : 28/07/2010

مُساهمةموضوع: سهوكة بنات    الأحد ديسمبر 12, 2010 9:13 am



بصراحة الموضوع منقول بس عجبني جدا ,لان فعلا الموضوع ده بضايق منه من البنات
وكوني بنت حبيت اجبلكم الموضوع عشان كل البنات تاخد بلها عشان ممكن تتفهم غلط لو عملت حاجت زي اللي هنقرأها بعد شويه


واحترت اضعه في اي قسم ولكن مع انه موضوع مضحك وانت بتقرأه , فإنه مهم جدا

**
**
**
**
**



معنى كلمة سهوكه
وهى صفة منسوبه للمرأه ويقال انها بتتسهوك او متسهوكه


السهوكه هى التحايل فى طلب شىء مع جذب التعاطف من الاخريين
تستخدمها البنت فى حاله احتياجها لتلبيه اى طلب تطلبة من الرجل
وطلب الشىء دا بطريقه تفوح منها رائحة الدلع الشديد ..الشديد اووووى


مع انها تحتوى على الحاح اشد


ولو غفلت عين الرجل عن الدلع

بين قوسين سهوكه

هيلاقيها زى الاخ اللى بيبيع ورد على الكورنيش وانت قاعد مع خطيبتك

ويجى يفرض عليك انك تشترى منه بالعافيه
ومضطر طبعا انك تشترى علشان تخلص من زنه ..


دا نفس الحال فى سهوكة البنت
سواء بتطلب من خطيبها او حبيبها او من جوزها اى شىء
زى تغيرلها العربيه .. خاتم او كوليه عجبها وعاوزاه
عزومه او فستان .... الخ


والمشترك بينها وبين الراجل دا تلبيه الطلب
لان فى الحالتيين هتطلع اللى فى جيبك
بس المرادى هتبقى راضى وهتبقى على قلبك زى العسل
ودا بسبب نسبة السهوكه المضافه اللى طريقة الطلب


اشكال السهوكه


السهوكه ليها طرق كتير جدا منها بالكلام او الافعال او حركات الجسم


مثلا خطيبتك او حبيبتك عاوزه حاجه منك وعارفه طبعا انك ممكن ترفض


اول حاجه هتبدا كلامها ب .. حبيبى انا عاوزه..... وخد عندك


حبيبى اللى فى الاول ليها مفعول اكيد جدا فى تهدية اعصاب الشخص المتلقى وتهدى من روعة ما يلحقها من طلبات


او حبيبى انا عاوزه اطلب منك طلب بس انا خايفه


تأثير كلمة حبيبى هنا مش كبير .. التاثير هنا هيبقى لكلمة انا خايفه
التى من شائنها رفع دقات القلب وتدفق الدم وصغر حجم بوء بوء العين


وزيادة منسوب الشهامه والحب ان ازاى حبيبى وخايفه


وتنهى طلبها بكلمات تعاطفيه تحسسك بيها بمدى ضعفها ادامك .. يا ضنايا
زى .. وحياتى عندك يا حبيبى
مش عاوزه اكون حمل كبير عليك بطلباتى
لو مش هتقدر عادى يا حبيبى انا ممكن استحمل



هب ينط عرق الشهامه والرجوله والجناحات تتفرد ويعمل نفسه سوبر مان


والملاحظ ان الرد الوحيد عن كل الطلبات دى بتبقى..
من عنيا يا حبيبتى طلباتك كلها اوامر.. جتك ستين خيبه



وهنا السؤال
فى تلبية الطلب دا بعد السهوكه
ومع ان كل الرجاله اكيد عارفيين الكلام اللى انا قولتله دا
وعارفين باقى الطرق


هل هو ضعف منه ؟؟
او بانه خلاص لبس الطربوش او اتضحك عليه بالكلمتيين دول؟؟
يعنى اتاكل بعقله حلاوة


ولا من حبه ليها وانه مش عاوز يرفضلهها طلب


ردى على السؤال دا كان جمله واحده


ان كيدهن عظيم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://gtaa.hooxs.com
أدريانو



عدد المساهمات : 261
تقييم الاعضاء : 50
تاريخ التسجيل : 01/08/2010

مُساهمةموضوع: رد: سهوكة بنات    الأحد ديسمبر 12, 2010 9:18 am

هذا مانراه بالفعل

ربنا يساعدك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin


عدد المساهمات : 289
تقييم الاعضاء : 3
تاريخ التسجيل : 28/07/2010

مُساهمةموضوع: رد: سهوكة بنات    الأحد ديسمبر 12, 2010 9:26 am

مشكور للمرور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://gtaa.hooxs.com
 
سهوكة بنات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كول علي طول :: منتدى الترفيه :: منتدى الترفيه-
انتقل الى: